இமாமுல்அஃழமும்_நாத்திகவாதிகளும்

*******************************************

உம் இறைவனை எந்த ஆண்டு கண்டுபிடித்தீர் என

நாத்திகவாதிகள் இமாம் அபூஹனீபா (ரஹ்)அவர்களிடம் கேட்டார்கள் 

"அல்லாஹ் காலம்,நேரங்களைக் கடந்தவன் அவனுக்கு முன் எதுவுமில்லை”என்றார்கள் இமாம்.

அதெப்படி? எனக்கேட்டார்கள் நாத்திகவாதிகள் 

இமாம்         ;நான்கிற்கு  முன் எது?

அவர்கள்:  மூன்று 

இமாம் :   மூன்றுக்கு முன்?

அவர்கள்:  இரண்டு 

இமாம்      இரண்டிற்கு முன் 

அவர்கள்:    ஒன்று 

இமாம் :     ஒன்றாம் எண்ணுக்கு முன்?

அவர்கள்:     எதுவுமில்லை 

இமாம்:     கணிதவியலில் உருவாக்கப்பட்ட ஒன்றுக்கு முன் ஒன்றுமில்லை எனும் போது ஏகனான அல்லாஹ் ஒருவனுக்கு முன்னும் எதுவுமில்லை.

அவர்கள்:    இறைவன் எந்த திசையை முன்னோக்குகிறான்?

இமாம்:        இருளடைந்த அறையில் நீங்கள் ஒரு விளக்கை ஏற்றினால் ஒளி எந்த திசையை நோக்கி இருக்கும் ?

அவர்கள் : எல்லாதிசையிலும் அந்த ஒளி பரவும் 

இமாம்:  செயற்கை ஒளிக்கே திசை இல்லையெனும் போது அல்லாஹ், வானங்களுக்கும்,பூமிக்கும் ஒளியாவான் அவனுக்கேது திசை? 

அவர்கள் : உங்கள இறைவனை வர்ணியுங்கள்

இரும்பு போன்ற திடப்பொருளா?,நீர் போல திரவப்பொருளா?

அல்லது புகை போன்று வாயுவா?

இமாம் :மரணப்படுக்கையில் இருப்பவர் அருகே இருந்ததுண்டா ?

அவர்கள் :ஆம் 

இமாம் :உடலை அசைத்துக்கொண்டும், மூச்சுவிடடவண்ணம் இருந்தாரா?

அவர்கள் :ஆம் இருந்தார்.

இமாம் :திடீரென மூச்சுநின்றுவிட்டதா?

அவர்கள் : ஆம் நின்று விட்டது?

இமாம் :ஏன்?

அவர்கள் : அவர் உடலை விட்டு உயிர் வெளியேறி விட்டது.

இமாம் : வெளியேறிய உயிரை பற்றி எனக்கு விவரியுங்களேன். அதெப்படி இருந்தது??

இரும்பு போன்று திடப்பொருளா?,நீர் போல திரவப்பொருளா?

அல்லது புகை போன்று வாயுவா?

அவர்கள் : அதை பற்றி ஒன்றும் எங்களுக்கு தெரியவில்லை.

இமாம் : படைக்கப்பட்ட ஒரு ஆன்மாவின் ஒரு அடிப்படை தன்மையே  நமக்கு புலப்படவில்லை என்றால் படைக்கப்படாத முதலும் முடிவுமாக இருக்கின்ற இறைவனைப் பற்றி என்னால் எப்படி வர்ணிக்கமுடியும்?

நாத்திகர்கள் வாய் அடைத்து நின்றார்கள்.

       அரபியிலிருந்து தமிழில் கணியூர் இஸ்மாயீல் நாஜி பாஜில் மன்பயீ